Osasun arloko profesionalek metodologia jakin batzuei jarraituz egin izan dute lan, eta metodologia horiek Ebidentzian oinarritutako medikuntzan finkatutako praktika klinikoetako gidaren kontzeptuan zehaztutako prozesuetan sostengatzen dira.

Erakunde Zentraletik bultzada handia eman izan zaie enpresa kudeaketa ereduei, eta, era berean, inguruko erakundeek eta elkarteek prozesuen kudeaketan oinarritutako Erabateko Kalitatearen bidezko kudeaketa ereduaren alde apustu sendoa egin dute. Horrek horrenbesteko eragina izan zuen Ekialdeko eskualde Erakundean bere estrategiari buruzko lehenengo hausnarketa egiteko unean, ezen eredu horretan oinarritutako jarduerak bereganatu baitzituen.

Horrela, 1999-2002 Plan Estrategikoan, Erabateko Kalitatea Helburu Estrategikoaren baitan, Eskualdeko prozesuen definizioa eragingo duten jarduerak kokatzen dira.

2001. urtean Eskualdeko Prozesuen Mapa burutu zen, Zuzendaritza Kontseiluak onartuta, eta jarraipena izan zuen HOBEBIDEAN-ek bultzatuta. Honek Prozesuen bidezko Kudeaketa garatzea ahalbidetu zuen. Lan honi ekiteko zuzendaritza taldeak beste erakunde batzuen esperientzia aztertu zuen, orokorrean onartutako definizio metodologia egokituz eta hiru prozesu mota sailkatuz: operatiboak, estrategikoak eta laguntza prozesuak. Halaber, garai estrategiko berri baterako gakoak identifikatu zituen.

Gure prozesu operatiboa Bezero Asistentzia deitzen da, eta bere helburua arreta beharrizanei erantzutea da. Mapak prozesu estrategiko bakarra jasotzen du. Gainerakoak laguntza prozesuak dira.